[size=21]الصمت [أبلغ ]من كثير الملامـه
اذا حرج قلبك عزيز و[غالـي]
أنـا الحزيـن ودنيتـي دوم غربـه
واشوف انا كل البشر حولي اغراب
ضايع وقلبي ماعـرف ويـن دربـه
تاهت به الدنيا على درب الأحبـاب
همّـي كبيـر وكنّـي بألـف كربـه
والجرح ينزف عقب الأحباب ماطاب
ياللي ملكتيني تـرى النفـس ذربـه
ماتجرحك لو تنذبح وانتي الاسباب
عيشي بسعاده واجعلي النفس طربـه
لايشغلك همي اذا الوضع لك طـاب
هـذا المقـدّر والله اللـي أمـربـه
واعرف ظروفك يابعد كل من غـاب
أنا احتمل لو انطعـن بألـف حربـه
وان قلت عنك اسلا فأنا صرت كذاب
ودّي أمـوت وأندفـن بـأي تربـه
وارتاح مايطري على بالي اصحاب
▓▒▓▒
احلفك بالله قلبك مافقد خله
ما اشتقتلي وما تعبت من الصد والفراقا
ماحن قلبك بعد هالبعد ذا كله
ولا تعودت وودك بعدنا يبقى
لا تدفن الشوق وتنهي حبنا بزله
تدري بحبي وتدري بمثله ما تلقى
معقوله من غلطتي تنسى وتتخلى
ولا انت ما صدقت وللعذر تلقى
عندي امل وطير مهما تعلى
يرجع ويلقى الارض للقاه شفقه
ان كان قلبك يبيني دربي تدله
وان كان ناوي فراقه الله يوفقه
▓▒▓▒
لو دريت بحالي بعدك يا حنون
كل حزن الكون فيني وما شكيت
لين مل ضلوع صدري والعيون
وجيت لك عاني ومن همي بكيت
تدري اني اعشقك حد الجنون
ودي القى لي وسط عينك مبيت
ماابي غيري لجنبك يقربون
او تناظرهم عيونك لو سهيت
انا اسف لكن ادريبي امون
وكان ودي اطلب اكثر واستحيت
ادري احساسي بحبك ما يخون
واني بعدك لا عشقت ولا هويت
لا يغرك صمت قلبي والسكون
صرت باني لك بقلبي الف بيت
مااعيش بدون حسك ياالحنون
غير قربك لا بغيت ولا رضيت
لا تحسب انك على قلبي تهون
والله متولع بحبك لو دريت
ولو اطاوع هالبشر باللي يبون
اعتبر اني من غيرك في هالدنيا انتهيت
▓▒▓▒
ان الهاتف المطلوب لايمكن الاتصال به الان
وانا والله ياعالم كرهت الحب واحواله
مدام اللي تمنيته قطع وصلي ونوى هجران
علام الخل مايسئل ومقفل دوم جواله
رسايلنا تجي وتروح وخلي ماظهر او بان
والمشكله انه بعيد ولا كرمني باتصاله
انا اشتاق واتالم وادور في الحزن خلان
انادي خلي الغايب عسى الافراح تنخى له
افرح لا دق جوالي احسب انه علي ولهان
واقول الو من الفرحه وانا حالتي حاله
ويطلع شخص يبي فلان واقله للاسف غلطان
صحيح الحب يلعب بي وظروف الوقت محتاله
انا ماقلت هالدنيا عنيده يابشر ماكان
ماكان بامكاني اصبر وانا حالتي حاله
هذا الهاتف المطلوب مغلق الى حد الان
الا من هو يبيع الصبر وكل العمر يهدى له
▓▒▓▒
من زود حبّك جيتـك بكـل ذاتـي
واشكي غيابك يابعد كـل مزيـون
خلّـك رحـوم بحالتـي يامنـاتـي
طال الغياب وضاق بعيوني الكون
ليه الجفا وانـت الوحيـد بحياتـي
مدري تغلي أو دلع منـك وفنـون
يازيـن ارحـم حالتـي ياغناتـي
يكفي تعذّب واحـدٍ فيـك مفتـون
حرمتني حتى الخشـوع بصلاتـي
واسهرتني يـوم الاوادم ينامـون
عقلي ثقيل وكـان أحلـى صفاتـي
وخليتني أمشي مع الناس مجنون
يالغاليه لو فـي وصالـك وفاتـي
راضي ولا أقبل غير قربك وممنون
الموت عنـدك راحتـي وامنياتـي
ومعك الدقيقه تنشرى بالف مليون
ترفّقيبـي ليـن اكتـب وصـاتـي
واطلب سماح اللي يبي منّي ديون
ومن بعدها لـو تحكميـن بمماتـي
عمري وكل اللي تبينه لـك يهـون
▓▒▓▒
احساسي اني بين كل المخاليق
انسان ضايع مالقى له حبيبه
ماغير ابدل حالة الضيق بالضيق
عز الله ان الحال والله صعيبه
شي(ن) اطيقه وشي ما والله اطيق
هموم غبرا والمصيبه مصيبه
ماغير اصفّق راحت الكف تصفيق
كن الجمر بييدي وخلّي يجيبه
مصايب(ن) في ثقلها كنها طويق
والحظ عاثر عل ربي حسيبه
وين الحبيب اللي علي قلبي يليق
ادوره من عام وازريت اجيبه
خدوده اللي كنها لمعه بريق
توه جديد(ن) ماوصل للهيبه
وعيون تكتب في حلاها طواريق
وساع ..كحله ..للمفاتن صويبه
ياعل ربي وقبل ما تنشف الريق
القى الحبيبه لم عيوني قريبه
▓▒▓▒
أمـوت من فـرقـاك .. وأمـوت بلقـاك
وأمـوت من جورك ..وأمـوت بحنـانك
كلِ قـضــاه يمـوت مـرّه ويفــداك
وأنا أمــوت ألفين .مـرّه . عـشـانك
أذكــرك ..لامني نســيت إني أنسـاك
وأنســاك ..لامنّي ذكـرت انسـيــانك
رضـيت أنا بالهـم لرضـاك مـرضـاك
وارخصت لك قلبٍ جرحـتـه ..وصـانك
أجـيك في صدري عـتابِ ..وابجـفـاك
وأرجـع ألـوم الـوقت وأقـول خـانك
أحب فـيك ..احـسـاسي إني بلامــاك
في عـز خـوفي منـك احـس بأمـانك
عـجـزت أفـرق بين وصلك وفـرقـاك
ياللي عطـيت النـاس بيـدك عنـانـك
مــرً تجـيـني لين أقـول إنـي إيـاك
ومــر تروح .بـعـيـد وانـسي أوانك
أقـبل وتقـفي .. واعـتـذر عن خطاياك
وأقـول ما عـيـيـت ..عـيّـا. زمانك
وإن خــانتك دنيـاك .. أو خنت دنيـاك
إرجـع وتلـقـابي …مـكانك…مـكانك
▓▒▓▒
دخيـلـك يابـحـر خـذنـي اثـــر مـوجــه عـلــى خـــدّك
واعـبـر بــي لاعمـاقـك وخـذنــي رحـلــة المـجـهـول
دخيـلـك يابـحـر احُـضـن جروحي(واحتـضـن مــدّك)
واخفـي ســري بصمـتـك واعـيـش بلحظـتـك مـذهـول
دخـيـلـك يـابـحـر مــديــت يــــدي مــــد لــــي يــــدّك
بـربــك اسـقــي الـظـامـي بـــلا مـعـقـول او مـعـقـول
انـــا يـابـحـر اظـمـتـنـي صــحــاري حــدهــا حــــدّك
سقتنـي مــن ينابـيـع العـطـش فــي (رحلتي)(مغـلـول)
سقـت نـبـت الطـريـق الـمـا وانــا بـاقـي انتـظـر ردّك
هنا!! واقف قهرني الموت عطش وسط الثرى المبلول
جمـعـت عـروقـي العطـشـا وانـــا طـالــب روى ودّك
وجيت انشر لك جروحـي واحضـن غـدرك المسلـول
دخيـلـك يابـحـر خـذنـي غـيــري جـــاد فـــي صـــدّك
وانا جيتك .....خذني غرق وابقـى انـا المسئـول
بـربــك يـابـحـر خـذنــي قـــل انّـــي يـابـحـر ضـــدّك
هـب انّــي يابحرخصـمـك وخـذنـي ثــارك المجـهـول
الله [ يسامـحـك ] مآظنـيـت هــذآ جـزآآآيــه
كيف تقسى عليّ .. وانته طبعك [ حنوني ]
[/size]
السبت مارس 22, 2008 7:09 am
