أعرف شخصيتك من أفلام الكرتون

أعرف شخصيتك من أفلام الكرتون

1- توم وجيري :
أنت إنسان مهستر وتعشق المغامرات والمطاردات ولك ماضي رصاصي فاتح مع مدرسينك أيام الدراسة , تحب الحيّل والمقالب ,مزحك ثقيـل تحب تنكت وتضحك على روحك ..

2- جورجي وسالي وليدي :
أنت إنسان رقيق المشاعر ودلوع وتتمتع بحس مرهف و أنت تحب تحط غرتك على عيونك وتهفها كل شوي

3- قريندايزر وما شاكلها :
أنت إنسان واثق من نفسك وتحب تشتري العاب جديدة وتلعب فيها قدام اولاد الحارة وتستعرض وأنت من النوع اللي دايم تقص شعرك

4- بومبو :
أنت إنسان رومانسي تحب الخيال من النوع اللي ممكن وأنت جالس مع اهلك فجأة تجلس تسولف على عمرك وتلعب بأصابعك بحماس ويرتفع صوتك وتنسف العالم وراك نسف

5- ماروكو :
أنت إنسان مطنّش أبو أمّ الدنيا هذي وعايش بـ جو خاص فيك .. إنسان شقي وقلق شوي تحب تلعب لحالك.. ويحبونك اهلك تلعب لحالك لأنك مسبب لهم قلق ( تعجبني يامطنّش واصل وحنّا وراك)

6- السيدة ملعقة وعقلة الأصبع :
أنت إنسان خيالي .. تحب تفلسف وتطول المشاوير وتسوي نفسك فاهم.. انتبه لنفسك
لأنك ممكن مع الوقت تصير مثقف وتألف كتاب باسم ( خريف البحر)

7- طمطوم :
أنت شخصية وتبي تسوي عمرك بطل باللي هي به لدرجة ممكن انك تتبرا من اهلك عشان تقول انك ولد الملك ( أهنيك على هالطموح واصل )

8- لولو :
أنت إنسان بسيط وقلبك طيب لدرجة تخولك إنك تتخلى عن 3 ريال الفسحة لتصبح ريال واحد من أجل إدخال البهجة على قلب غيرك ( خل عنك الفزعات وأقضب أرضك لواحتجت أنت ماحد داري عنك )

9- عدنان ولينا :
أنت إنسان رومانسي وجايب العيد مع واحد من اصدقائك .. تحب التميلح قلبك طيب بس مزاجي يعني ممكن تمسك معك وتصك واحد من اصدقائك طراق يمشي مليون لسبب تافه ( انتبه لنفسك مش كل مره تسلم الجرة .. المرة الثانية يجيك كف يمشي مليونين من نفس صديقك هذا )

10- سوار العسل :
أنت إنسان رقيق المشاعر جدي شوي ودايمآ تشيل أغصان الشجر والحصى اللي بوسط الشارع وتمسك يدين الشيبان والعجز (يعيرونك المؤدب احيانآ بس لا تهتم واصل ,ـههههههههـ ياحليلك )

11- باباي :
أنت إنسان جريئ وقوي لدرجة الوقاحة ودلخ بعض الأحيان , مغرور مع انك غبي أحلى شي فيك أنك تتقبل كل شي وتعتبر كل شي .. شي ..

_______
منقول
وكل واحد يختار فلمه المفضل
لا اشوف احد يصرف الموضوع ويختار احسن توصيف

انا احب "عدنان ولينا" و "سالي"</B>